Það er ekki hægt að segja að hér sé orðið mjög jólalegt, sem er þó ágætis tilbreyting frá æðinu sem virðist grípa Íslendinga um miðjan október!!! Það er varla að ég taki eftir því að það séu að koma jól nema þegar ég fer niður í miðbæ, en það gerðum við Ásgeir einmitt í gær. Í miðbæ Nürnberg er útimarkaður um jólin, Christkindelmarkt, þar sem allskonar vörur eru seldar á uppsprengdu verði og hægt er að kaupa sér Glühwein, Nürnberger bratwurzt í brauði, jólaskraut úr nikkeli (Sigga, NIKKEL! Þú ættir kannski að benda einhverjum á þetta?) og gleri auk þess sem dúkkur úr sveskjum virðast vera mjög móðins hér… einhverjum sem vantar svoleiðis???
Ég verð nú eiginlega að segja að ég sakna jólanna örlítið. Mér finnst sem það verði ekki beint jól þetta árið. Ég er auðvitað að fara á mis við allt jólabrjálæðið á Íslandi (sem er af hinu góða) og svo er enginn snjór hér og aðeins jólaskraut í einstaka glugga. Ekki má svo gleyma því að hjá okkur Ásgeiri er ekki mikill undirbúningur enda verðum við á Kanarí yfir jólin. Það þýðir að ég er ekkert að velta mér uppúr jólahreingerningum eða bakstri…. Haha, gat ekki haldið aftur af mér! Ég að taka til eða baka, þvílíkar hörmungar sem það yrðu… 😉
Allavega, eins og dæma má af færslunni er ég ekki að gera neitt merkilegt hérna. Nú er víst bara ein vika eftir af þýskunámsskeiðinu sem þýðir að eftir næsta fimmtudag hef ég allan tímann í heiminum til að slaka á áður en bjórþamb og verslunarleiðangrar taka við! Um að gera að leggja ekki hart að sér! 🙂
Tschüss!
4 athugasemdir
Comments feed for this article
desember 4, 2006 kl. 11:33 f.h.
Sigga Nikkel
Hahahahaha……núna fer ég að hlæja í hvert sinn sem einhver segir NIKKEL við mig!!!! Hugsaðu þér, svo hélt ónefndur að ÉG væri snarvitlaus af því ég hneykslaðist upp úr dúnúlpunni og æpti: GULL! SILFUR! EKKI NIKKEL!
Ég er ekki mjög jólaleg heldur, þrátt fyrir að húsalengjan mín sé orðin upplýst, því herbergið mitt er í rúst og ég held mér í hæfilegri fjarlægð frá kökubakstri (eftir nokkuð sem mamma kallar ,,matarsóda-incidentið“). Ástæðan, fyrir utan að ég er draslari í eðli mínu eins og þú og fleiri og kann ekki að baka til að bjarga lífi mínu, er auðvitað HRYLLILEGUR próflestur. Má ég fara til Kanarí í staðinn fyrir þig????
Hlakka annars ógó til að sjá þig, verst að þú verður farin fyrir 21. desember því þá er síðasta prófið mitt og það verður feitt fyllerí á Hverfis (ég veit, ég veit….en ég er VIP (ekki hlæja) og fæ ódýrt bús) og ég gæti tekið þig með. Verð víst bara að sætta mig við Heiðrúnu 🙂 Hahaha, djók, Heiðrún er ágæt.
Þú, ég, kaffi, dauði, kjaftagangur, eftir tvær vikur eða svo!!
Sigga Klikk
P.S. Sjáðu, ég skrifa LÖÖÖÖÖÖNG komment! Þú skalt taka þér mig til fyrirmyndar. Annars verð ég fúl eins og gömul borðtuska…..í svolitla stund 😉
desember 4, 2006 kl. 4:36 e.h.
Una
Helga. Það er ekki til neitt sem heitir jól í mínu lífi. Bara þessi ljóta ritgerð og prófin sem nálgast. Búhú! Taktu mig með þér langtlangtlangtlangt í burtu!
Nú man ég ekki hvaða dag þú kemur heim og hvaða dag þú ferð aftur. Plííís komdu fyrir 18. des! Því frá þeim degi og til 20. des verð ég ekki manneskja. Sögupróf eru dauðinn.
desember 9, 2006 kl. 8:40 f.h.
Gulla
ég vil sveskjudúkku!!!! me me me
desember 9, 2006 kl. 8:44 f.h.
Gulla
Not!
ekki taka þetta alvarlega sem ég sagði, ég er svona að velta því fyrir mér hvernig sveskjudúkka verður til! ekki bara hvernig hún er gerð heldur hver var að borða sveskjur og átti eina eftir sem honum langaði ekki í og hugsaði með sér… „mig langar ekki í þessa seinustu sveskju, en ég vil ekki henda henni, hvað á ég að gera? …hugs… Já, ég veit, ég bý til dúkku úr sveskjunni. Það er frábær hugmynd, það er örugglega fullt af fólki sem vill kaupa sveskjudúkkur“ og fór svo út í búð og keypti fleiri sveskjur til að búa til dúkkur!